Традицијата продолжува и екипата на 24Ракомет и годинава ви овозможува во секое коло да гласате за најдобрите ракометари по коло во есенскиот дел од сезоната.
За разлика од лани, годинава има 16 екипи. Сезоната ќе биде долга, ќе има неизвесни битки за пласман во плеј-офот каде ќе играат осум екипи.
Дефинитивно на љубителите на ракометот нема да им недостигаат драматични и неизвесни натпревари во двете групи од суперлигашката конкуренција.
Ние ги одбравме најдобрите седум, а со помош на вашите гласови ќе се одбере ракометарот кој ќе биде МВП на колото.
Ќе можете да го дадете вашиот глас за еден од ракометарите во изборот најдоцна до недела на пладне, кога ќе биде познато кој ќе биде избран за најкорисен играч на колото.
РЕЗУЛТАТИ ОД 12. КОЛО ОД СУПЕР МАШКАТА ЛИГА
група А
ВАРДАР – OХРИД – КУМАНОВО 32-25
СТРУГА – АЛКАЛОИД 29-44
КУМАНОВО – БУТЕЛ СКОПЈЕ 19-31
ВАРДАР НЕГОТИНО – ПРИЛЕП 28-29
група Б
СКОПЈЕ – ЕУРОФАРМ ПЕЛИСТЕР 2 23-28
ГОЛДЕН АРТ – РАДОВИШ 29-25
ЕУРОФАРМ ПЕЛИСТЕР – ЈУНИОР КВ 38-20
ПРОЛЕТ – ТИКВЕШ 24-19
ИДЕАЛЕН ТИМ НА 12. КОЛО ОД СУПЕР МАШКАТА ЛИГА
ГОЛМАН: Данило Михајлевиќ (Пролет) – Црногорскиот чувар на мрежата беше меѓу клучните фигури во триумфот над Тиквеш.
ЛЕВО КРИЛО: Дејан Манасков (Вардар) – Левото крило на шампионот ги водеше „црвено-црните“ до победа над Охрид.
ЛЕВ БЕК: Давор Шокоски (Прилеп) – Со девет гола ги водеше прилепчани го важна победа на гостувањето во Вардар Неготино.
СРЕДЕН БЕК: Мартин Ивановски (Еурофарм Пелистер 2) – Одигра одлично во мечот кој битолчани го добија на гости кај Скопје и го потврдија местото во плеј-оф.
ДЕСЕН БЕК: Филип Николов (Бутел Скопје) – Со осум погодоци беше најдобар стрелец во редовите на бутелци во гостинскиот триумф над Куманово.
ДЕСНО КРИЛО: Мице Шилегов (Голден Арт) – Со 14 погодоци беше главен актер на дуелот со Радовиш.
ПИВОТ: Михаил Аларов (Пролет) – Пивотот на Пролет заедно со голманот Михајлевиќ беше меѓу најзаслужните за важните бодови против кавадарчани.
ПОВРЗАНИ ВЕСТИ
