Заврши регуларниот дел во Суперлигата, еве кој со колку бода стартува во плеј-оф и плеј-аут

Вчера беше комплетирано 14 коло од Супер машката лига, и познати се бодовите што ќе ги пренесат во разигрувањата за титулата и за опстанок во елитното друштво.

Ниту во регуларниот дел не недостигаа возбудувања, но вистинските доаѓаат со натпреварите од февруари до мај. Тогаш ќе има двомеч меѓу двата најголеми конкуренти за титулата Вардар и Еурофарм Пелистер, а својата шанса од позадина ќе ја чекаат Пролет, Алкалоид, Бутел, Еурофарм Пелистер 2, Охрид и Тиквеш.

Со освојувањто на првите места во групите, вардарци и битолчани пренесоа по три бода во плеј-офот, и ќе стартуваат од највисоките позиции.

Шампионското место носи билет за Лигата на шампионите, а Македонија ќе има два претставника во Лигата на Европа и еден во Европскиот Куп.

Во разигрувањето за опстанок од првите две позиции стартуваат Голден Арт и Струга со по три бода, а и тука нема да недостигаат интересни натпревари.

Екипит што ќе завршат на седмото и осмото место во плеј-аутот ќе испаднат во Првата лига, додека шестопласираната екипа ќе игра со третиот од плеј-офот во Првата лига бараж натпревар на неутрален терен, по што ќе бидат познати сите учесници во Суперлигата за 2023/24.

Битките во плеј-офот и плеј-аутот ќе започнат на 11/12 феврури и ќе се водат до крајот на месец мај.