Ждрепка за плеј-оф и плеј-аут: Утре ќе биде познато кога ќе се бијат битките за титула и опстанок

Ракометната федерација за утре точно на пладне ја закажа ждрепката за редните броеви во плеј-офот и плеј-аутот во Суперлигата.

По завршување на 14 коло од регуларниот дел, екипите пласирани од прво до четврто место по групи ја формираа плеј-оф групата од осум екипи и екипите со остварен пласман од петто до осмо место во групи во регуларниот дел ја формираа групата плеј-аут од осум екипи.

Во плеј-оф и плеј-аут екипите ќе играат во еднокружен бод систем (дома-гости) или вкупно 14 кола.

По добивање на конечниот пласман во двете групи ќе бидат познати шампионот и патниците во европските купови, како и екипите што ќе обезбедат опстанок во лигата.

Седмо и осмопласираниот тим ќе испаднат во Првата лига, додека во повисок ранг се пласираат првиот и вториот од Првата лига. Бараж за суперлигашко место ќе играат шестиот од суперлигашкиот плеј-аут и третопласираниот од прволигашкиот плеј-оф.

СУПЕРЛИГА ПЛЕЈ-ОФ

Поз	Екипа	Н	П	Р	Л	Б
1	ЕУРОФАРМ ПЕЛИСТЕР	12	11	0	1	35
2	ВАРДАР 1961	12	10	0	2	33
3	АЛКАЛОИД	12	8	0	4	27
4	ОХРИД	12	8	0	4	26
5	ТИКВЕШ 2014	12	6	0	6	19
6	БУТЕЛ	12	3	0	9	10
7	ПРОЛЕТ	12	2	0	10	6
8	СТРУГА	12	0	0	12	0

СУПЕРЛИГА ПЛЕЈ-АУТ

Поз	Екипа	Н	П	Р	Л	Б
1	МРК КУМАНОВО	12	10	1	1	32
2	ЕУРОФАРМ ПЕЛИСТЕР 2	12	9	0	3	30
3	ПРИЛЕП	11	8	1	2	27
4	ВАРДАР НЕГОТИНО	12	8	0	4	24
5	МУЛТИЕСЕНС	12	6	1	5	20
6	ГОЛДЕН АРТ	11	3	1	7	13
7	СКОПЈЕ 2020	12	2	0	10	6
8	АЕРОДРОМ	14	0	0	14	2