ДРАМА во „Македонско Сонце“ – Пролет едвај до триумф над борбениот Охрид!

Ракометарите на Пролет забележаа нова победа во Суперлигата откако во драматичен натпревар успеаја да слават над незгодниот и борбен Охрид со минимални 25-24.

Охриѓани водеа со 2-3, пред избраниците на Андон Бошковски со три гола во серија да поведат со 5-3. Гостите израмнија на 5-5 и до крајот на првиот дел со неколку грешки на двете страни се играше гол за гол до 11-11, резултат со кој се замина на пауза.

Вториот дел започна исто како што заврши првиот, но како одминуваше времето така Пролет започна да ја презема контролата на мечот и за првпат на петнаесетина минути до крајот стигна до плус три, 20-17.

Беше и 21-18, а Охрид намали на 21-19. Имаа гостите и шанса за минус еден, но погрешија во нападот, а истото го сторија и домаќините. Црногорскиот двоец кај охриѓани беше заслужен за следниот гол, Брауновиќ одбрани, а Кривокапиќ реализираше за 21-20 кога имаше да се игра уште осум минути.

Брауновиќ и Петковски по еден удар во следните акции, па немаше промена на резултатот. Во продолжение се играше гол за гол и на три минути до крајот се навестуваше драма. Сепак Голубовиќ стрелаше за 24-22, а охриѓани не реализираа во следниот напад.

Петковски одбрани уште еден напад на Охрид, но неговите соиграчи згрешија и на 60 секунди до крајот беше 24-23. Бошковски викна тајм-аут, а Пецаковски погоди за 25-23. Набрзина возвратија гостите за минус еден, но Пролет ја задржа топката и триумфот остана за домашните.

ПРОЛЕТОХРИД 29 октомври 2021 25 - 24 Крај

Детали

Датум	Време	Лига	Сезона	Match Day	Крај
29 октомври 2021	19:30	REГУЛАРЕН ДЕЛ | ПЛЕЈ ОФ СУПЕРЛИГА	2021/2022	29.10.2021	60'

Место

УС „Македонско Сонце“

Резултати

Екипа	1-во полувреме	2-ро полувреме	Резултат
ПРОЛЕТ	11	25	Победа
ОХРИД	11	24	Пораз

ПРОЛЕТ

#	Играч	Позиција	Исклучување	Голови
4	Михаил Аларов	пивот	0	3
5	Михаил Тотиќ	-	0	0
7	Бојан Манев	централен бек	0	0
8	Дејан Пецаковски	лев бек	1	8
11	Виктор Додевски	десно крило	0	0
12	Матеј Ивановски	голман	0	0
13	Мартин Димов	десно крило	0	1
15	Ласко Андоновски	централен бек	0	5
16	Андреј Петковски	голман	0	0
18	Иван Џонов	лев бек	0	1
19	Доне Мајнов	десен бек	0	0
23	Ѓорѓе Голубовиќ	десен бек	0	2
24	Јован Фичорски	централен бек	0	0
33	Јане Цветковски	голман	0	0
71	Давор Палевски	лево крило	0	3
99	Жарко Пејовиќ	централен бек	1	2
	Вкупно		2	25

ОХРИД

#	Играч	Позиција	Исклучување	Голови
1	Јагош Брауновиќ	голман	0	0
4	Крсте Андоновски	лево крило	0	0
6	Филип Кривокапиќ	централен бек	0	6
8	Наум Костов	десно крило	0	0
10	Филип Николов	десен бек	0	1
11	Мице Шилегов	десно крило	0	3
12	Христијан Ковачески	голман	0	0
14	Михајло Младеновиќ	лев бек	0	0
19	Иван Тасески	пивот	2	2
21	Филип Грубор	-	0	0
24	Мартин Манасков	лев бек	0	3
35	Николче Ристески	лево крило	0	0
44	Стефан Додиќ	централен бек	0	9
55	Христијан Димитриески	пивот	0	0
77	Алекса Милошевиќ	-	0	0
	Вкупно		2	24

Officials

Судии:	Делегат:
НАЧЕВСКИ ЃОРЃИ НИКОЛОВ СЛАВЕ	МЕТАЛАРИ КАМЕР