Дарко Димитриевски и неговата екипа Синфин Сантандер влегоа во лоша серија и се без победа веќе пет натпревари, a денеска го забележа тринаесетиот пораз во Асобал лигата откако загуби на домашен терен со 23:27 од Гранољерс.
Екипата на Димитриевски имаше добро издание во првото полувреме, а во 10. минута беше 8:4. До крајот на првото полувреме Гранољерс ја преполови негативата. После 30. минути игра беше 14:12 за Синфин.
Второто полувреме им припадна на гостите. Синфин до 50. минута имаше предност, но финишот беше одлучувачки за победникот. Гранољерс со поквалитетна игра стигна до пресврт и освои важни бодови.
Дарко Димитриевски на овој натпревар постигна два погодока од пет удари, а исто така имаше и две исклучувања. Синфин во следното коло ќе има тешка задача да ја прекине лошата серија бидејќи гостува на Барселона.
ПОВРЗАНИ ВЕСТИ
