На последното тестирање на ракометарките на ФТЦ Ференцварош пред дуелот со Кристијансанд во Норвешка, две од нив имаа позитивен тест.
Според тоа натпреварот од Лигата на шампионите помеѓу Кристиајнсанд и Ференцварош кој требаше да се игра во сабота од 18 часот е откажан и сè уште не се знае кога ќе се одигра.
Според норвешките власти, Унгарија е земја од црвената зона и сите кои доаѓаат во Норвешка од таа земја мораат да бидат во 10-дневен карантин и покрај негативните тестови.
Ференцварош доби дозвола да влезе во Новешка без карантин, но под услов да бидат тестирани од норвешките медицински установи и да не го напуштаат хотелот за време на претстојот. Тесрирањето беше во четвртокот, а по пристигнувањето на резултатите две ракометарки на Ференцварош се позитивни.
Двете позитивни ракометарки се изолирани, а остатокот од тимот е во карантин. Останува непознато кога ќе биде одигран натпреварот кој засега само е откажан без нов термин.