Иако беше најавуван како можно засилување за Вардар, сепак францускиот лев бек Батист Бонфон нема да дојде во Скопје.
Французинот потпиша договор на две сезони со Мешков Брест и една година пред истекот на договорот со Екс ан Прованс ќе се пресели во Белорусија.
Бонфон во Мешков ќе биде замена за Сандро Обрановиќ, кој се враќа во татковината и ќе го носи дресот на Загреб.
Францускиот лев бек, кој има и европска шампионска титула со Монпелје од 2018 година, беше дел од оваа екипа осум сезони, а последните две ги мина со Екс ан Прованс.