Унгарскиот шампион Веспрем со една нога го обезбеди местото на завршниот турнир во регионалната СЕХА лига, откако славеше на гостувањето кај Војводина со убедливи 26-31.
Гостите уште на стартот отворија со водство со 0-3, а потоа имаа и предност од 1-6. Војводина успеа во два наврати да намали на минус два. Беше 10-12 во 28. минута, но Штрлек, Лауге и Нилсон погодија три пати за две минути и на пауза донесоа 10-15 за Веспрем.
Тимот на Дејвис водеше и со 10-17 на стартот на второто полувреме, а српскиот шампион се што направи до крајот е тоа што намали пак на минус два, 21-23, но тоа не беше доволно да се загрози победата на Веспрем, 26-31.
Штрлек со шест од шест и Гајиќ со пет од пет беа најефикасни во унгарскиот шампион, а Манасков играше кратко време пред да се повреди, додека кај Војводина, повратникот Растко Стојковиќ даде осум погодоци.
ПОВРЗАНИ ВЕСТИ
