Тренерот на Веспрем, Давид Дејвис, продолжува да носи поранешни вардарци во унгарскиот гигант.
По Вуко Борозан, Рожерио Мораес, Хорхе Македа, Данил Шишкарев, Арпад Штербик, како и кондицискиот тренер Марија Лојаница, на ред дојде и физиотерапевт.
Станува збор за Димитар Маневски, кој беше дел од Вардар во двете сезони кога македонскиот клуб стана европски шампион и се грижеше за здравјето на ракометарите.
Тој во Веспрем ќе работи во тандем со Немања Вучиќ, а во Унгарија оди откако работеше во КЛ7, каде што мина полусезона се до промената на раководството.
Маневски беше седум години во Вардар, додека четири ипол години работеше и во националниот тим, но последна негова акција беше во Египет, кога Македонија играше на Мундијалот.
ПОВРЗАНИ ВЕСТИ
