Ракометарите на Вардар обезбедија место во финалето на „Хумел Купот“ во Магдебург, откако славеа над данскиот Холстебро со 28-33.
Во првиот дел најчесто се играше гол за гол, па ниту данската, ниту македонската екипа не направија поголема предност од два гола. На пауза „црвено-црните“ водеа со 13-14.
По седум минути игра во второто полувреме, вардарци се одлепија на плус четири гола предност, 15-19, а за кратко време македонскиот тим имаше и плус шест, 16-22. Вардар стигна и до плус седум, 17-24. Тренерот на Холстебро повика тајм-аут, нпа неговите ракометари заиграа посериозно во продолжение од натпреварот.
Искусниот Маркусен намали на 20-25, а Дамгард стрелаше за 24-27 и ја врати неизвесноста на десетина минути до крајот. Во следниот период најчесто се играше гол за гол, па во 56. минута беше 27-30. Вардар до крајот рутински го одржа резултатот за конечни пет разлика, 28-33.
Филип Талески и Жереми Тото постигнаа по шест гола, Гурбиндо даде пет, Мишевски четири, а Моралес три. Противник на Вардар во мечот за трофејот на „Хумел Купот“ ќе биде победникот од двобојот меѓу Магдебург и Горење.