Вардар Неготино ќе брка плеј-оф, се вратија Ташев и Кузманов

Тимот на Вардар Неготино во продолжението од сезоната во Првата лига ќе биде засилен со двајца поранешни играчи на неготинските „црвено-црни“.

Иако планот на почетокот на сезоната беше да се форсираат млади ракометари и да не се брка плеј-оф по секоја цена, сепак плановите се менуваат по добриот старт на сезоната.

Неготинци во своите редови ги вратија кадетскиот репрезентативец Ѓорѓи Ташев и средниот бек Драган Кузманов, кои ја почнаа сезоната во тимот на Прилеп.

Вардар Неготино има девет бодови по седум кола, пет помалку од Куманово кој е на четвртото место, но има и натпревар помалку.