Ракометарките на Вардар имаа успешно гостување кај екипата на Овче Поле СУ и славеа рутинска победа со 30:23 во 19. коло од Женската лига со која го одржуваат приклучокот со Металург.
Уште на почетокот готинските ракометарки ја најавија победата, натпреварот го отворија со 6:1 и во продолжение имаа целосна контрола на играта и резултатот. На полувреме Вардар имаше предност од 15:9.
Второто полувреме беше формалност, екипата на Овче Поле СУ немаше шанса да ја намали негативата и да стигне до изненадување. Вардар рутински го приведе натпреварот до крај и запиша планирани бодови.
Најефикасни во тимот на Вардар беа Марија Гелевска со седум гола и Бојана Диневска со шест погодоци. Во екипата на Овче Поле СУ се истакнаа Елена Вучевска со осум гола и Марија Анчева која погоди шестпати.
СУПЕР ЖЕНСКА ЛИГА – ТАБЕЛА
ПОВРЗАНИ ВЕСТИ
