Барса немаше милост за екс стратегот на Вардар!

Убедливите победи на Барселона веќе неколку години не се новост во Асобал лигата. Последната во таквата низа беше убедливата победа над Ваљадолид со 50-24, предводена од некогашниот стратег на Вардар, Давид Писонеро.

Иако на почетокот на мечот кога беше 7-6 не се навестуваше катастрофа на гостите, сепак на крајот разликата беше дури 26 погодоци во корист на каталонскиот гигант.

Освен Сорендо и Петруш, сите други ракометари на Барселона се запишаа во листата на стрелци. Најмногу се истакнаа Јанц и Циндриќ со по седум погодоци.

Во тимот на Писонеро најмногу голови постигна Угарте, вкупно шест.