Тимот на Астраион и покрај проблемите со салите за тренинг во Струмица, забележа убедлива победа над Македонија Ѓорче Петров 31:16 во натпревар од 17 коло во Првата лига.
Одлично издание на струмичани во кое сите ракометари постигнаа голови и ги испратија гостите со полна мрежа. Тренерот Мики Пандев им даде шанса и на ракометарите што имаат помала минутажа.
Победникот беше решен уште по првото полувреме кога беше 18-6, а во второто полувреме гостите малку го ублажија поразот. Стојан Стојанов од Астраион со седум голови беше најефикасен на теренот, додека кај Македонија Ѓорче Петров се истакна Стефан Ангеловски со четири.
ПОВРЗАНИ ВЕСТИ
