Андоновски го сруши „својот“ Охрид – Тиквеш фаќа залет кон Европа

Екипите кои претендираат за место на европска сцена, Охрид и Тиквеш, денеска во спортската сала „Билјанини извори“ ја имаа првата пресметка од плеј-оф фазата во Супер машката лига. Четата на Горан Андоновски со денешната победа над Охрид од 28:26 успеа да направи исчекор и со првата освоена победа во плеј-оф натпреварувањето се искачи на 4. позиција на табелата.

Гостинската екипа од Кавадарци ги искористи речиси сите грешки на домаќинот во воведниот дел и по пет минути игра дојде до водство од 3:0. Ракометарите на Раде Стојановиќ првиот гол на натпреварот го постигнаа по осум минути игра преку Кривокапиќ. При водство на Тиквеш од 5:2, следуваше серија од 3:0 на домаќините, кои со погодоците на Николов, Тасески и Андоноски, го изедначија резултатот на 5:5.

Кавадарчани не дозволија Охрид да направи целосен пресврт и со поголема ангажираност во следниот период повторно имаа резултатска позитива, која во 20. минута беше плус четири гола разлика, 10:6. Голманот на Охрид, Брауновиќ, со своите одбрани сѐ уште го одржуваше својот тим во игра. Охрид ги награди одбраните на својот голман и со три гола во низа намали на минус еден, 9:10. Во завршниот дел од првите 30. минути, Тиквеш имаше подобро издание и на полувреме замина со предност од 15:12.

Со голот на Стефановиќ, гостите во стартниот дел од првото полувреме зголемија на 16:12. Иако, домаќините беа во налет за враќање во игра, сепак во преголемата желба направија неколку грешки, со кои му овозможија на Тиквеш највисоко водство од 21:15. Охрид со расположениот Ивановски на десет минути пред финишот ја продолжи одличната серија која резултираше за минус еден, 21:22.

Во последната минута се влезе во неизвесна завршница бидејќи Охрид со голот на Ристески намали на 26:27. Тиквеш во својот последен напад ја искористи ситуацијата со играч повеќе и преку Кондев успеа да обезбеди триумф во денешниот натпревар од 28:26.

Најефикасен во победничката екипа беше Дејан Гошевски со шест погодоци, а четири ракометари, Никола Стефановиќ, Дарко Кондев, Страхина Симиќ и Јане Јанчев, постигнаа по пет гола. Во поразениот табор, листата на стрелци беше предводена од Мартин Ивановски со пет погодоци.

ОХРИДТИКВЕШ 2014 11 април 2022 26 - 28 Крај

Детали

Датум	Време	Лига	Сезона	Крај
11 април 2022	02:26	ПЛЕЈ ОФ СУПЕРЛИГА	2021/2022	60'

Место

СРЦ „Билјанини извори“

Резултати

Екипа	1-во полувреме	2-ро полувреме	Резултат
ОХРИД	12	26	Пораз
ТИКВЕШ 2014	15	28	Победа

ОХРИД

#	Играч	Позиција	Исклучување	Голови
1	Јагош Брауновиќ	голман	0	1
4	Крсте Андоновски	лево крило	0	2
6	Филип Кривокапиќ	централен бек	1	1
8	Наум Костов	десно крило	0	0
10	Филип Николов	десен бек	1	4
11	Мице Шилегов	десно крило	0	0
12	Христијан Ковачески	голман	0	1
13	Славчо Шулески	-	0	0
14	Михајло Младеновиќ	лев бек	1	4
19	Иван Тасески	пивот	0	4
21	Филип Грубор	-	0	1
24	Мартин Манасков	лев бек	0	0
34	Мартин Ивановски	централен бек	0	5
35	Николче Ристески	лево крило	1	3
55	Христијан Димитриески	пивот	0	0
	Вкупно		4	26

ТИКВЕШ 2014

#	Играч	Позиција	Исклучување	Голови
1	Благој Панов	голман	0	0
10	Стефан Дрогришки	лев бек	1	0
11	Евгениј Темелкоски	десно крило	0	1
12	Марјан Велков	голман	0	0
13	Борче Соколов	централен бек	1	0
16	Александар Стојаноски	голман	0	0
17	Давид Иванов	-	0	0
18	Никола Стефановиќ	пивот	0	5
19	Дејан Гошевски	десен бек	0	6
23	Стефан Милков	-	0	0
24	Дарко Кондев	лево крило	0	5
26	Ристо Окардов	пивот	0	0
33	Димитар Коцев	лево крило	0	0
34	Страхиња Симиќ	централен бек	0	5
77	Јане Јанчев	централен бек	1	5
96	Стефан Трпчевски	десен бек	0	1
	Вкупно		3	28

Officials

Судии:	Делегат:
НАЧЕВСКИ ЃОРЃИ НИКОЛОВ СЛАВЕ	ЈАНЕВСКИ ЉУПЧО