Средниот бек на рускиот шампион Ростов Дон, Викторија Боршченко, од следната сезона би требало да стане нова ракометарка на ЦСКА Москва.
Украинската репрезентативка, чија природна позиција е лево крило, не добива шанса на таа позиција бидејќи таму се Кожокар и Кузнецова, а ниту на плејмејкерската позиција не е во главна улога покрај Сен и Родригез, па по седум години ќе си замине од овој тим.
Боршченко потекнува од составот на Дњепарјанка, беше дел од Галичанка Лвов и Смарт Запорожје, а веќе десет години игра во Русија – три за Динамо Волгоград и седум за Ростов Дон. Од следната година ќе се пресели во метрополата.
ЦСКА Москва, каде што со успех настапува и нашата репрезентативка Сара Ристовска, во следната сезона ќе има големи амбиции, со сигурност ќе игра и во европските купови, па уште отсега почна да го формира ростерот.
ПОВРЗАНИ ВЕСТИ
