Ракометарите на репрезентцијата на Шпанија имаа одлично издание на гостувањето во Словачка во натпревар од ЕХФ Купот и ја остварија првата победа откако беа доминантни и славеа со 30:18.
Избраниците на Жорди Рибера во текот на сите 60 минути имаа водство и повеќе од заслужено славеа победа. Отворија со 4:2, а многу брзо имаа убедливо водство откако со серија од 4:0 веќе беше пет разлика.
До крајот на првиот дел продолжи доминацијата на гостинскиот тим и Словачка заостануваше сè повеќе. На полувреме беше 16:8 за Шпанците, а и вториот дел им припадна нив, па разликата постојано се зголемуваше и достигна до највисоки 14 гола.
Ова беше прв триумф на Шпанија во ЕХФ Купот после поразите од Унгарија и Хрватска. Предводник во победата во шпанскиот тим беше Феран Соле со девет гола, Балагер постигна пет, додека Душебаев погоди четирипати. Во составот на Словачка најефикасен беше Томас Рецичар со четири гола.
ПОВРЗАНИ ВЕСТИ
