Ракометарите на Младост сезоната во Првата лига ја започнаа со гостински триумф кај екипата на Јехона во Гостивар иако после првиот дел имаа негатива. На крајот Младост триумфираше со 34:31.
Домашниот тим имаше добро издание во првиот дел и го контролираше резултатот. Најрасположен за игра беше Алиу кој го водеше тимот на Јехона, а во првиот дел постигна десет гола така што домашниот тим имаше предност од 19:13.
Вториот дел донесе многу поквалитетна игра на Младост и гостите веднаш почнаа да ја намалуваат негативата. Со серија од 5:0 гостите израмнија и се влезе во игра гол за гол. Така се играше се до завршните минути каде што Младост подобро се снајде и оствари конечен триумф.
Најефикасен во составот на Младост беше Мите Караиванов со 11 погодоци, а Никола Роглев реализираше седумпати. Во екипата на Јехона убедливо најефикасен на теренот беше Адис Салиу со 16 гола, но и тоа не беше доволно домашниот тим да избегне пораз.љ