Утре со натпреварот меѓу Алкалоид и Прилеп ќе стартува новото, 4 коло од суперлигашката конкуренција. Прилепчани на свое конто имаат три бода, додека „сино-белите“ кои се големи фаворити, до овој момент имаат максимален ефект, односно „три од три“.
Дербито на колото ќе биде в сабота, кога актуелниот шампион Еурофарм Пелистер, кој денес игра натпревар во ЛШ, ќе му гостува на Вардар. Пелистерци, исто како и освојувачот на Куп трофејот и Охрид, имаат три победи на исто толку одиграни натпревари.
Екипата на Струга, која во минатото коло изненадувачки го совлада Пролет, ќе гостува во Куманово кај истоимената екипа. Пролет првата победа во новата сезона ќе ја бара на гостувањето во Велес кај Бисинов, тим кој што на свое конто има 2 бода, додека повратникот во елитата – Радовиш ќе биде домаќин на Бутел Скопје.
Амбициозниот Охрид пред домашната публика ќе го пречека Тиквеш. Избраниците на Стевче Алушовски имаат посакуван старт, славеа против Радовиш и незгодните Прилеп и Бутел Скопје, па така сигурно ќе посакуваат нови два бода зa задржување на максималниот ефект.
Супер лига, 4. коло, распоред:
27/09, 19:00, Алкалоид – Прилеп
28/09, 16:00, Пролет – Бисинов
28/09, 17:00, Куманово – Струга
28/09, 17:45, Вардар – Еурофарм Пелистер
28/09, 18:30, Охрид – Тиквеш
29/09, 18:00, Радовиш – Бутел Скопје
ПОВРЗАНИ ВЕСТИ
