Македонскиот вицепрвак Еурофарм Пелистер запиша втора победа, а прва на гостински терен во трите меча во Супер лигата, отако славеа убедливо кај Струга со 33-25.

Лино Червар и за овој натпревар не сметаше на дел од странските засилувања, па битолчани на „македонски погон“ стигнаа до триумф. По првиот дел беше 16-9, во вториот дел домашните се доближија на минус четири, но немаа сили за нешто повеќе.

Најдобри стрелци во победничкиот тим беа капитенот Филип Кузмановски со седум гола, како и Петар Атанасијевиќ и Ненад Белистојаноски кои погодија по шест пати. Никола Митревски беше одличен на голот со 11 интервенции, додека Давид Брестовац запиша уште три во вториот дел.

Кај Струга, голманите Мартин Јовановси и Кристијан Костадиновски комбинираа осум одбрани, а меѓу стрелците се истакнаа Костадин Петров со пет и Никола Јукиќ со четири погодоци.

Еурофарм Пелистер во следното коло го очекува братски двобој со Еурофарм Пелистер 2, додека Струга ќе го пречека Бутел Скопје во потрага по првите суперлигашки бодови оваа сезона.

❗❗  Следете не на нашите социјални мрежи, на Facebook, и на Instagram и бидете дел од Viber заедницата на 24Ракомет – добивајте ги сите информации веднаш на вашиот телефон… ❗❗ 

Европската ракометна федерација ги делегираше официјалните лица за натпреварите од првото коло во ЕХФ Европскиот Куп.

Иако дуелите ќе стартуваат претстојниот викенд, македонскиот претставник Тиквеш ќе игра на 19 и 20 септември двапати на домашен терен против Еш од Луксембург.

ЕХФ делегираше официјални лица од Хрватска – Матија Бродиќ и Матија Хоџиќ, додека делегат ќе биде Борис Ивановиќ од Србија.

Првиот меч е на програмата на 19 септември од 18:00 часот во салата „Јасмин“, а утредента во истото време на истото место ќе се одигра реваншот.

Европската ракометна федерација ги делегираше официјалните лица за натпреварите од третото коло во женската Лига на шампиони.

Марјан Начевски ќе биде делегат на натпреварот што ќе се игра на теренот на некогашниот и актуелниот европски првак.

Македонецот ќе биде задолжен за се да мине како што треба на пресметката меѓу Подравка и Мец што ќе се игра во Копривница, додека арбитражата им е доделена на Барбора Бочакова и Луција Јаношикова.

Овој натпревар е закажан за 19 септември во салата „Јосип Самарџија Бепо“ со почеток од 18:00 часот.

Лоши вести пристигнуваат од Нант по гостувањето кај Вардар во Лигата на шампионите.

Каулди Ориозола се здоби со сериозна повреда на коленото на натпреварот одигран во Скопје во средата.

Десното крило на францускиот тим по мечот се врати во Нант, каде што биле направени потребните медицински прегледи. За жал, тие покажале дека Ориозола има повреда на предниот вкрстен лигамент на коленото.

Поради сериозноста на повредата, шпанскиот ракометар ќе биде надвор од терените неколку месеци, што е сериозен удар за Нант во продолжението од сезоната.

Тој ќе ги пропушти двете средби со Мелсунген, како и домашниот меч со Вардар што ќе се одигра на 21 октомври.

Ракометарките на Овче Поле СУ имаа победнички старт на новата сезона во прволигашката конкуренција.

По службената победа над Стружанка во минатото коло, избраничките на Илија Бетувски прославија триумф над Шампион со 36-13.

Во првиот дел имаше многу грешки на двете страни, но квалитетот на страната на домаќинките беше евидентен. Во второто полувреме Овче Поле СУ комплетно го надигра ривалот и сега има два од два во новата сезона.

Некогашната кадетска репрезентативка на Македонија, Анастасија Сентовска, беше најдобра на теренот и постигна 12 погодоци за победникот, додека кај Шампион се истакна Бојана Божиновска со шест гола.