Ракометарката на Ѓорче Петров, Емилијана Ризоска, го доби признанието за најкорисен играч, односно ѕвезда на 1. коло од Женската лига.
Ол-раунд ракометарката која може да игра и на крилните и на бековските позиции, беше меѓу најдобрите во победата на Ѓорче Петров кај Пелистер.
На гостувањето во Битола, Ризоска постигна девет погодоци во мрежата на домашниот тим и подели неколку асистенции до колешките.
Ризоска освои околу 51% од гласовите на читателите на 24Ракомет, додека имаше силна конкуренција во Сара Стефаноска.
Вардарката освои 41% од гласовите, а во конкуренција за ѕвезда на колото беше и ракометарката на Куманово, Сара Цветановска.
ПОВРЗАНИ ВЕСТИ
