Екипата на Еурофарм Пелистер во натпревар од 7. коло од Лигата на шампионите конечно дојде до прв триумф, откако славеше на гостувањето во Данска кај Фредериција со 25:23.
Еурофарм Пелистер со освоените два бода се позиционира на 6 место во групата А, сега има три, а зад него се Висла Плоцк и Фредериција со по два бода.
По освоената победа, привремениот тренер на Еурофарм Пелистер, Звонко Шундовски ги сподели своите импресии.
,,Многу сум горд на тимот, добро го спроведовме планот за денешната игра. Останавме фокусирани дури и во моментите кога Фредериција водеше. Ова беше важна победа за нас, историска прва во ЛШ. Ќе го пренесеме овој моментум на нашите следни предизвици”, изјави Шундовски.
По ЕХФ неделата Еурофарм Пелистер повторно ќе се соочи со Фредериција, но на свој терен. Второто соочување меѓу двата тима е закажано за 20 ноември во Битола.
Митревски царуваше на голот, Еурофарм Пелистер со прв триумф во ЛШ!
ПОВРЗАНИ ВЕСТИ
