Белгискиот тим Ахилес Бохолт ја освои седмата титула во регионалната БЕНЕ лига и стана најтрофеен клуб во оваа конкуренција каде играат екипи од Холандија и Белгија.
Во финалето, Бохолт го совлада тимот на Висе, исто така од Белгија, со убедливи 33-27, иако на паузата беше реми, 15-15.
Најдобри стрелци кај победникот беа српското десно крило Алекса Кљаиќ со седум гола и полскиот десен бек Пјотр Пжибилски со пет погодоци.
Во полуфиналето, Бохолт во двомечот дома-гости на гол-разлика го елиминираа холандскиот Волендам, додека Висе беше подобар исто така од холандски тим, Алсмер.
