Тимот на Рапид Букурешт каде што настапува македонската репрезентативка Сара Ристовска, им се врати на победите во романското првенство.
Рапид Букурешт на домашен терен славеше против екипата на Јаши со убедливи 38-24 откако и на полувремето водеше со 15-11.
Ристовска имаше највисок индекс на корисност во победничката екипа и воопшто на теренот – 8,75.
Македонското десно крило постигна пет гола од шест обиди во гостинската мрежа, украде една топка, изнуди еден седмерец и подели една асистенција.
Рапид Букурешт сега има 21 бод и се искачи на делба на петтото место заедно со Валчеа.
