Тимот на ПСЖ дури кој четири меча беше без победа во Лигата на шампионите, конечно ја прекина лошата серија и славеше против Алборг среде Данска со 32-30.
Иако гостите губеа со 28-24 на десетина минути до крајот, сепак Алборг прерано почна да ја слави победата. ПСЖ во продолжение даде осум гола, домашните само два и на крајот останаа со празни раце.
Францускиот првак отвори со водство од 3-0, беше и 6-4 по десетина минути игра со голот на Гребиј, но Алборг заигра подобра одбрана, Ландин фати неколку топки и данскиот тим направи комплетен пресврт, 8-6.
Во продолжение домашните имаа контрола на резултатот, но избраниците на Раул Гонзалес успеаја да стигна до реми на паузата, 15-15.
Во поголем дел од второто полувреме се играше гол за гол, но по 24-24, Алборг во последните десетина минути направи серија од четири гола за 28-24 и најави нови бодови.
„Светците“ не се предаваа, па Мате, Пранди и Балагер намалија на 28-27 кога останаа да се играат уште шест минути. Хансен направи три грешки во серија, следуваа казни преку Карабатиќ и Шипжак, па ПСЖ поведе со 30-28.
До крајот само рутински ја задржа разлика за два бода од тешкото гостување. Стеинс и Пранди дадоа по шест гола за ПСЖ, а Грин имаше десет одбрани. Во домашниот тим се истакна Нилсон со девет гола, додека Ландин забележа 15 одбрани.
