Со одигрувањето на последните натпревари од главната фаза на Светското првенство 2025, познати се сите патници во четвртфиналето.
Пласман меѓу најдобрите осум обезбедија репрезентациите на Данска, Германија, Франција, Унгарија, Португалија, Бразил, Хрватска и Египет.
Како што е познато, македонската репрезентација имаше добар настап на Мундијалот и заврши на 15. позиција.
Актуелниот светски првак, Данска, за ривал во четвртфиналето го има Бразил, додека Франција ќе игра против Египет.
Едно од изненадувањата на Мундијалот, репрезентацијата на Португалија, за пласман во полуфиналето ќе се бори против Германија.
Хрватите ќе се судрат со Унгарија, која беше еден од ривалите на Македонија во групната фаза на СП.
Светско првенство 2025, четвртфинале:
28/01, 17:30, Франција – Египет
28/01, 20:30, Хрватска – Унгарија
29/01, 17:30, Данска – Бразил
29/01, 20:30, Португалија – Германија
