Охрид не успеја целосно да ја оправда фаворитската улога на гостувањето во Скопје, почна вистински да игра дури после 45 минута од натпреварот кога успеа да го преземе водството и на крај да одигра нерешено, 23-23 (12-8) кај Пролет.
Домашните беа убедливи и прецизни во првото полувреме, и тоа им донесе и предност од „плус 5“ во 23 минута (11-6). Охрид делуваше непрепознатливо, а делумен виновник за лошата реализација на гостите беше домашниот голман Андреј Петковски кој имаше 6 интервенции, сите во период кога Пролет ја правеше разликата.
Покажаа домашните дека имаат квалитет да изненандат некој фаворити, ама немаа сила и концентрација, па и „долга клупа“ да може да играат исто темпо 60 минути.
Имаше што да им каже тренерот Стефче Алушовски на своите соиграчи во соблекувалната, и веројатно советите стигнаа до нив. Само што почна второто полувреме предноста на Пролет почна да се топи. Во 42 минута Гал Цирар го израмни резултатот на 15-15, а потоа следуваше серија со која гопстите зголемија на 18-15.
Се разбуди Теимураз Орјоникидѕе кој само во второто полувреме даде шпет гола од неговите на мечот. Го имаа охриѓани расположениот Градимир Чаневски кој нанижа 4 интервенции, а неговите соиграчи зголемија на три гола предност. Таа разлика беше и кога мечот влезе во последните десет минути.
Наместо мирна завршница Охрид дозволи неговата предност да се стопи и во полседната минута домашните да имаат напад за израмнување, 23-23. Го реализираа тој напад и на Охрид му останаа 20-тина секунди да организира напад за победа. Но, немаше реализација, туку удар од 9 метри, по истекот на времето.
Теимураз Орјoникидѕе упати удар покрај самата статива, и тимовите ги поделија бодовите, 23-23.
