Тимот на Астибо ја забележа првата победа во новата сезона во Женската лига, откако на домашен терен во Штип славеше против Гевгелија со 34-24.
Избраничките на Дејан Величков ги предводеше Марија Анчева, која често да знае да постигне двоцифрен број голови, но овојпат се надмина себе и постигна 19 погодоци, од кои само три беа од пенал.
Штипјанки го најавија победникот уште по првото полувреме кога водеа со шест гола, 16-10, а во вториот дел само рутински го одиграа мечот.
Покрај Анчева, во тимот на Астибо со пет погодоци се истакна и Анастасија Богоевска, а кај Гевгелија четири ракометарки беа стрелци по пет пати – Ступар, Кадиева, Димова и Динева.
Во следното коло Гевгелија ќе игра дома со Вардар, додека Астибо му гостува на Шампион.
ПОВРЗАНИ ВЕСТИ
