Македонската репрезентативка Ива Младеновска игра во одлична форма пред бараж двомечот за СП 2025 против Полска.
Нејзиниот Безансон славеше убедливо против План Де Кук со 32-23 во натпревар од 19 коло во францускиот шампионат.
Младеновска беше меѓу најдобрите на теренот и успеа да погоди три пати од четири обиди во противничката мрежа.
Безансон има 39 бодови, се наоѓа на делба на четвртото место кое води наредната сезона во Лигата на Европа.
Десниот бек се најде на списокот на селекторот Грчевски за бараж двомечот со Полска и треба да биде еден од главните адути.
