Македонија Ѓорче Петров со победа ја започна новата сезона во Првата лига, откако на гостувањето во Кичево против истоимената екипа славеше со 29:23 (11:11).
По израмнетото прво полувреме, во кое двете екипи имаа свои моменти, гостинскиот тим заигра според посакуваното во вториот дел и дојде до освојување на посакуваните бодови.
Голем хендикеп за Кичево беше црвениот картон на Стефан Стефаноски, кој во 41-та минута поради три исклучувања мораше да се пресели на трибините.
Предводници во победата на Македонија Ѓорче Петров беа Максимилиан Ѓиноски и Бојан Божиновски. Двајцата ракометари постигнаа по осум погодоци во домашната мрежа.
Кај Кичево одлична партија имаше Ѓорѓи Јованоски со осум погодоци, кои беа недоволни за поволен резултат на неговиот тим.
ПОВРЗАНИ ВЕСТИ
