Женската репрезентација на Македонија ги доби противниците на Европското првенство што ќе се игра од 3 до 20 декември во пет земји – Романија, Турција, Полска Чешка и Словачка.
Македонија е дел од групата Б што ќе се игра во романскиот град Клуж и ќе се соочи со селекциите на европскиот првак Норвешка, домаќинот Романија и Швајцарија.
Ова е трето учество на континенталните шампионати за Македонија по ред, а вкупно осмипат дамите ќе бидат меѓу најдобрите во Европа.
Европско првенство, жени:
група А (Орадеа): Унгарија, Црна Гора, Словенија, Исланд
група Б (Клуж): Романија, Швајцарија, Норвешка, Македонија
група Ц (Анталија): Турција, Шпанија, Данска, Грција
група Д (Брно): Чешка, Холандија, Австрија, Хрватска
група Е (Катовице): Полска, Фарски Острови, Франција, Украина
група Ф (Братислава): Словачка, Германија, Шведска, Србија
