Иако не беше таква досегашната пракса, Светската ракометна федерација ги потврди вајлд-картите за СП 2025 пред да бидат комплетирани квалификациите од Европа.
Покрај САД, која и во машка и во женска конкуренција има вајлд-карти за СП 2025 и СП 2027, на Мундијалот што ќе се одржи во Германија и Холандија ќе игра и селекцијата на Кина. Женската селекција на Кина не успеа преку Азиското првенство да влезе во ТОП 4 и да се пласира на СП, но сега добива шанса за настап од ИХФ.
Светската куќа на ракометот ја оправда својата одлука со фактот дека настапот на Кина е важен за развојот на спортот во Азија, како и за освојувањето на пазарот во големата држава.
Покрај домаќините Германија и Холандија, на СП 2025 обезбедија светскиот првак Франција, како и медалистите од ЕП 2024 – Норвешка, Данска и Унгарија.
Најдобрите четири од Азиското и Африканското првенство исто така ќе играат на Мундијалот – Јапонија, Кореја, Казахстан и Иран, како и Ангола, Сенегал, Тунис и Египет.
Од Средна и Јужна Америка на СП 2025 се пласираа Бразил, Аргентина и Уругвај, додека билет ќе обезбеди и шампионот на Северна Америка и Кариби.
Македонија против Полска ќе игра во баражот, преку кој уште 11 селекции ќе обезбедат место на СП 2025, таму се веќе Кина и САД, па останува уште едно празно место за кое ИХФ допрва ќе одлучи на кој ќе го додели.
Лазаревски: Сѐ е добро кога добро ќе се заврши
За Македонија не се штеди гласот и дланките,...
