Традицијата продолжува и екипата на 24Ракомет и годинава ви овозможува во секое коло да гласате за најдобрите ракометари по коло во есенскиот дел од сезоната.
На крајот од сезоната повторно ќе ја избереме иделната седморка, а во меѓувреме за секое коло ќе ви дадеме можност да го изберете најдобриот играч во идеалниот тим што го предлага тимот на 24Ракомет.
Ние ги одбравме најдобрите седум. Со помош на вашите гласови ќе го одбереме ракометарот кој ќе биде МВП на 2 коло од суперлигашката конкуренција. Едноставно, гласајте за ракометарот за кој сметате дека бил меѓу најдобрите и го одбележал ова коло.
Meѓу номинираните за ова коло има по еден ракометар од Еурофарм Пелистер, Вардар, Еурофарм Пелистер 2, Тиквеш, Струга, Голден Арт и Пролет.
За МВП на колото ќе можете да гласате до среда до 12 часот.
Супер лига, 2. коло, резултати:
Група А
АЕРОДРОМ – ТИКВЕШ 29-39 (ИЗВЕШТАЈ)
СТРУГА – КУМАНОВО 30-26 (ИЗВЕШТАЈ)
ОХРИД – АЛКАЛОИД 22-28 (ИЗВЕШТАЈ)
ЕУРОФАРМ ПЕЛИСТЕР 2 – СКОПЈЕ 37-22 (ИЗВЕШТАЈ)
Група Б
ЕУРОФАРМ ПЕЛИСТЕР – МУЛТИ ЕСЕНС 40-22 (ИЗВЕШТАЈ)
БУТЕЛ СКОПЈЕ – ВАРДАР 21-24 (ИЗВЕШТАЈ)
ПРОЛЕТ – ПРИЛЕП 30-25 (ИЗВЕШТАЈ)
ВАРДАР НЕГОТИНО – ГОЛДЕН АРТ (ИЗВЕШТАЈ)
ИДЕАЛЕН ТИМ НА 2. КОЛО ОД СУПЕРЛИГА
Голман: Марко Кизиќ (Еурофарм Пелистер ) – Голманот на шампионот бранеше едно полувреме, но и тоа беше доволно одличен процент на успешност.
Лево крило: Марко Срдановиќ (Вардар) – Српскиот интернационалец беше најдобар стрелец против Бутел Скопје.
Лев бек: Христијан Митревски (Еурофарм Пелистер 2) – Поранешниот кадетски репрезентативец беше меѓу најдобрите во триумфот над Скопје.
Среден бек: Петар Бугариновиќ (Струга) – Организаторот на играта со 11 голови ја водеше Струга до првата победа во новата сезона.
Десен бек: Дејан Гошевски (Голден Арт) – Десниот бек на Голден Арт одигра добра партија на гостувањето во Неготино.
Десно крило: Евгениј Темелкоски (Тиквеш) – Прилепчанецот ги водеше кавадарчани со 11 гола до трите бода на гостински терен кај Аеродром.
Пивот: Филип Арсеновски (Пролет) – Повратникот во Супер лигата имаше добра партија во победата против Прилеп.
ПОВРЗАНИ ВЕСТИ
