Екипата на Гранољерс приреди голема сензација во Асобал лигата, откако на гостувањето кај Барселона триумфираше со 31:30 (16:18) во натпревар од 23. коло.
За каталонскиот гигант ова беше прв пораз во Асобал лигата по седум години, а последниот го имаше од истиот противник во 2018 година (29:28).
Тимот на Барселона вo сезона 2021/22 имаше пораз од Торелавега, но тој пораз беше службен (10:0).
Голот за големо славје на гостинската клупа го постигна левото крило Пабло Гијаро на дваесетина секунди пред финишот.
Најефикасни кај Гранољерс беа Антонио Гарсија со седум и младинскиот репрезентативец Виктор Ромеро со шест погодоци.
Кај Барселона прво име беше Дика Мем, кој беше и најефикасен на натпреварот со девет погодоци, а по четири имаа Луис Фраде и Тимоти Н’Гесан.
Гранољерс во досегашниот тек од сезоната забележа 16 победи, две ремија и пет порази.
Барселона останува на лидерската позиција со 44 бода, додека Гранољерс е на втората позиција со 34 бода.
