Селекторот на младинската репрезентација на Хрватска, Крешо Иванковиќ, го објави списокот на ракометари за контролните натпревари со Македонија.
Хрватите имаат 18 ракометари на списокот, подготовките ги започнаа вчера, а в четврток ќе допатуваат во Македонија.
На списокот на Иванковиќ има двајца ракометари од словенечкиот шампионат, останатите 16 се од домашното првенство.
Натпреварите меѓу Македонија и Хрватска ќе се играат в петок од 18:00 часот и в сабота од 12:00 часот во салата во Автокоманда.
Овие два меча се дел од подготовките за настапот на младинското ЕП во Словенија, каде овие две селекции се паднаа во иста група, плус Австрија и Црна Гора.