Португалскиот чувар на мрежата Мигел Фереира Еспиња на крајот на оваа сезона ќе си замине од македонскиот првак Вардар.
Иако имаше договор до 2027 година со „црвено-црните“, сепак Еспиња ќе ја продолжи кариерата во турскиот првак Бешикташ, дознава 24Ракомет.
Во Бешикташ тренер ќе биде шпанскиот стратег Рубен Гарабаја, кој претходно работеше во Еурофарм Пелистер, а таму се сели и десното крило Богдан Радивојевиќ.
Еспиња дојде во Вардар во 2024 година, остави солиден впечаток, а оваа сезона имаше проблеми со повреда и ретко беше на терените покрај Валах и Гогов.
Португалскиот чувар на мрежата во татковината играше за Бенфика, Белененсес, потоа за францускиот Сесон Рен, како и за шпанските Уеска и Куенка.
