Тимот на Орнео Аликанте, каде што игра македонскиот интернационалец Дарко Димитриевски, ја продолжува битката за место во Асобал лигата.
Со голема заслуга на Димитриевски, Орнео Аликанте, одигра нерешено 29-29 на домашен терен со Барселона 2.
Македонскиот интернационалец беше најдобар стрелец во домашниот тим и успеа да постигне девет погодоци.
Орнео Аликанте е на лидерското место на табелата во Втората лига на Шпанија со 19 бодови, но исто толку имаат и Бургос и Сиудад Реал, а Синфин Сантандер е четврти со 18 бодови.
Борбата за единственото место што носи билет за Асобал лига ќе биде интересна до крајот, а следен предизвик за Димитриевски и неговиот тим ќе биде градскиот двобој со Агустинос Аликанте.
