Тимот на Бутел Скопје доби нов претседател во името на Бојан Спасовски, кој доаѓа на местото на Влатко Тасевски, кој пак сега ја извршува функцијата генерален секретар во Ракометната федерација на Македонија.
Спасовски е поранешен ракометар, кој по завршувањето на играчката кариера во Бутел Скопје беше извршен директор на клубот. Во Бутел Скопје работи уште еден поранешен репрезентативец Лазо Мајнов, кој е спортски директор.
Спасовски од оваа пролет ќе биде претседател на клубот кој седма сезона по ред, откако е во елитната кконкуренција, обезбедува место во плеј-офот за титулата.
Тој во играчките денови ги носеше дресовите на Пролет, Вардар, Охрид и Бутел Скопје, а со последните два клуба играше и во европските купови.
Бутел Скопје оваа сезона е предводен од младиот стратег Горан Кузманоски и ќе биде тврд орев за сите аспиранти за титулата во Супер лигата.
