Екипата на Униреа Слобозиа, во која настапуваат Марија Тасевска и Ивана Арсениевска, запиша нова победа во вторлигашката конкуренција во Романија.
Во натпревар од 7. коло од плеј-оф фазата, тимот на Униреа Слобозиа за ривал ја имаше Стинта Букурешт и успеа да триумфира со пет гола разлика, 30:25.
Двете ракометарки од Македонија имаа голем удел во победата – Ивана Арсениевска шутерски беше расположена, имаше осум реализации од девет обиди, додека Тасевска пет пати се запиша во листата на стрелците.
Униреа Слобозиа по седум одиграни кола се наоѓа на 4. позиција на табелата со 10 бода, а Галаци, тим во кој настапува кружниот напаѓач Сања Дабевска е второпласиран со 18 бода.
Галаци на дуелот од 7. коло играше на гости кај некогашниот учесник во ЛШ, Клуж, и загуби со 28-25, а македонската интернационалка имаше два гола од два обиди.
