Според пишувањата на „Автонбладет“, големиот талент од Шведска, Пеле Сегертофт, во следната сезона ќе направи трансфер од соништата.
19-годишниот лев бек најверојатно ќе биде дел од каталонскиот гигант Барселона, каде што ќе игра со голем број познати имиња.
Сегертофт извесен период беше следен од раководството на Барселона, а своето внимание го привлече уште на Европското кадетско првенство во 2022 година.
На кaдетскиот континентален собир, на кој Шведска го освои среброто, Сегертофт имаше одлични партии и беше прогласен за најдобар дефанзивец.
Левиот бек настапува за шведскиот суперлигаш Онередс и доколку се пресели во Барселона, тогаш неговиот договор би бил долгорочен.
ПОВРЗАНИ ВЕСТИ
