Ракометарките на Гевгелија Југ запишаа втора победа во новата сезона од прволигашката конкуренција.
Избраничките на Перо Минев славеа на гостувањето кај Стружанка со 28-21, а беа предводени од сестрите Јасмина и Нина Попови.
Домаќинките водеа само на стартот со 1-0, а потоа гостинките не ја испуштија предноста и во ниту еден момент нивната победа не беше доведена во прашање.
На паузата Гевгелија Југ водеше со 11-8, додека во второто полувреме домаќинките немаа сили да се вратат во мечот.
Јасмина Попова даде осум, а Нина Попова седум гола за победничкиот тим, додека премалку за Стружанка беа десетте погодоци на Маја Раткушиноска.
