Maкедонската интернационалка Сања Дабевска со трофеј ја започна новата сезона во Израел, каде што се пресели летово.
Нејзиниот тим Хапоел Ашдод беше најдобар во Лига Купот на Израел и се израдува на трофеј пред стартот на првенството.
Хапоел Ашдод го совлада составот на Бнеи Херцлија во финалниот натпревар со 34-30, а Дабевска беше стрелец на два гола.
Кружниот напаѓач од Македонија минатата сезона ја мина во српскиот Бор, а претходно настапуваше во Грција, Романија, Унгарија…додека во Македонија ги носеше дресовите на Металург, Пелистер и Куманово.
