Новиот прволигаш Струга ја стартуваше сезоната во Првата женска лига со победа во Гостивар кај Јехона.
Избраничките на Владимир Паноски славеа кај Јехона со 30-18, откако на паузата имаа плус шест, 15-9.
Второто полувреме од натпреварот меѓу двете млади екипи не донесе промени, па гостинките само рутински го доработија мечот.
Најдобри стрелци во составот на Струга беа Леа Пејоска и Маја Ашталкоска со по шест гола, а кај Јехона се истакна Алтина Хасани со девет погодоци.
