Легендарниот литвански репрезентативец Ајденас Малашинскас ова лето се врати во татковината по настапите во Романија и ќе го облече дресот на тимот на Драгунас Клаипеда, каде многу веројатно ќе ја заврши богатата кариера.
Некогашниот пивот на Тиквеш и на словенечката Рибница, Никола Стефановиќ, по три сезони настапи во Словенија се сели во израелскиот шампионат и во новата сезона ќе го носи дресот на Бнеи Херцлија.
Екс кружниот напаѓач на Охрид, Нексе Нашице, Војводина, Адемар Леон, Веспрем…Живан Пешиќ, во новата сезона ќе го облече дресот на новиот српски суперлигаш Лозница.
Друштво на Пешиќ и Младен Крсманчиќ во Лозница ќе им прави и некогашниот голман на Тиквеш, Јанко Гемаљевиќ, кој по настапите за Раднички Крагујевац ќе има нов предизвик во кариерата.
Некогаш големата надеж на хрватскиот ракомет, Иван Сршен, и наредната сезона ќе ги брани боите на Вараждин. Десниот бек кој потекнува од Метковиќ, а потоа играше за Нексе, ПИК Сегед, Вецлар, Загреб…не успеа да го оствари тоа што му го предвидуваа ракометните стручњаци во кариерата.
Екс играчот на Тиквеш, левиот и среден бек Срѓан Мијатовиќ, во новата сезона ќе ги брани боите на Градачац од Босна и Херцеговина. Тој се врати во татковината по настапите за Пуенте Хенил, Сасари, Кокс, Тиквеш, Берн и Ајдовшчина.
