Новиот суперлигаш Младост Богданци покрај засилувањата, активно работи на приклучување на најталентираните играчи од домашниот погон кон првиот тим.
По Никола Тасев, кружниот напаѓач Мартин Стојановски кој има 17 години и е висок 190 цм, стави потпис на првиот професионален договор со богданчани.
Претходно Младост Богданци ги продолжи договорите со Живојин Илиќ, Даниел Андоновски и Ѓорѓе Атанасов, а останува и тренерот Горан Андоновски.
Досега клубот ги донесе левиот бек Тодор Узунчев, левото крило Славе Јанковски и голманот Благој Панов, а се раздели со Кристијан Костадиновски, Лазар Адамовиќ, Никола Димитров и Жоао Гекас.
