По Леон Љевар, македонскиот вицепрвак Вардар посакува уште еден хрватски репрезентативец во своите редови, пишуваат тамошните медиуми.
Станува збор за средниот бек Ивано Павловиќ, кој во моментов е дел од националниот тим на Европското првенство во Данска, Шведска и Норвешка.
Тој е дел од шампионот Загреб, каде што во 2024 година дојде од босанскиот Извиѓач Љубушки и го привлече вниманието на хрватската јавност.
Покрај Вардар, интерес за Павловиќ постои и од унгарскиот великан ПИК Сегед, како и португалските Бенфика и Спортинг Лисабон.
Тој има договор до 2029 година со Загреб, па ако некој клуб сака да го ангажира сигурно ќе треба да плати оштета.
