Тимот на Холабрун, каде што тренер е некогашниот репрезентативец Влатко Митков, не успеа да ја продолжи серијата победи во Австрија.
По две врзани победи, Холабрун загуби на гостински терен кај Брегенц со 36-34, иако по големата негатива во првото полувреме, се вратија во егал во вториот дел.
Камбекот не беше комплетиран, па домашниот тим ги освои бодовите. Најдобри на теренот беа Гал Цирар, екс членот на Охрид со 11 голови и некогашниот младински репрезентативец на Македонија, Филип Арсеновски со осум гола.
Вториот Македонец во Холабрун, Хари Павлов, не настапи на овој дуел, додека вториот екс „охриѓанец“, Рудолф Сафранко, даде три гола.
Холабрун во следното коло ќе му гостува на Алпла Хард.
