Селекциите на Данска, Романија, Унгарија, Швајцарија, Шведска, Бразил, Норвешка и Ангола обезбедија место во главната рунда на Светското првенство во Германија и Холандија.
Најнеизвесен беше мечот меѓу Швајцарија и Сенегал, кој заврши со минимален триумф на европската селекција, а африканската селекција против Иран во последното коло ќе се бори за третото место што води во главната рунда.
Таков ќе биде случајот и со селекциите на Хрватска и Јапонија од групата А, каде што Данска и Романија ќе одлучат за првото место. Романките предводени од Грозав со осум голови немаа големи проблеми со Јапонија.
Бразил исто така оди меѓу најдобрите 24 селекции, откако ја запишаа втората победа и славеа против Чешка, а јужноамериканската репрезентација беше водена од Бруна Де Паула која даде осум гола.
Светско првенство, 2 коло, резултати:
група А
Хрватска – Данска 24-35
Романија – Јапонија 31-27
група Б
Иран – Унгарија 13-47
Швајцарија – Сенегал 25-24
група Г
Куба – Шведска 17-46
Бразил – Чешка 28-22
група Х
Казахстан – Норвешка 16-41
Ангола – Јужна Кореја 34-23
