Тимот на Холабрун, каде што играат двајца Македонци, а тренер е Влатко Митков, запиша втор триумф по ред во Австрија.
Холабрун славеше против Фуксе со 32-30 во натпревар од 10 коло во австрискиот шампионат и веќе собра шест бодови оваа сезона.
Македонскиот десен бек Хари Павлов даде шест погодоци, додека кружниот напаѓач Филип Арсеновски беше стрелец на два гола.
Некогашните играчи на Охрид, Гал Цирар и Рудолф Сафранко, постигнаа девет, односно три погодоци во триумфот на Холабрун.
Тимот предводен од Митков во следното коло ќе му гостува на Брегенц.
