Македонскиот првак Еурофарм Пелистер денеска игра еден од најважните натпревари оваа сезона во Лигата на шампионите.
Во Битола доаѓа ПИК Сегед по поразот во дербито од Веспрем, а битолчани мора да освојуваат бодови за да останат во игра за осминафиналето во елитната конкуренција.
Еурофарм Пелистер има два бода на претпоследното место, ПИК Сегед има половичен биланс и шест бода на четвртото место.
Натпреварот меѓу Еурофарм Пелистер и ПИК Сегед ќе се игра вечерва од 20:45 часот во салата „Боро Чурлевски“.
На домашната сцена ќе има и дерби двобој меѓу Охрид и „сино-белите“ од Автокоманда од 19:00 часот во СРЦ „Билјанини Извори“.
Охриѓани му откинаа бод на ривалот во Автокоманда во првото коло, а сега влегуваат со желба за триумф против „ранетиот лав“ кој загуби претходно од Вардар.
Денеска ќе бидат активни и македонските интернационалци – Мартин Поповски, Ива Младеновска, Ивана Арсениевска, Ива Младеновска…
ДЕНЕСКА НА ТЕРЕНИТЕ:
19:00 ОХРИД – АЛКАЛОИД (МАКЕДОНИЈА)
18:45 ГОГ ГУДМЕ – ПСЖ (ЛИГА НА ШАМПИОНИ)
18:45 КОЛСТАД – ВЕСПРЕМ (ЛИГА НА ШАМПИОНИ)
20:45 МАГДЕБУРГ – ЗАГРЕБ (ЛИГА НА ШАМПИОНИ)
20:45 ЕУРОФАРМ ПЕЛИСТЕР – ПИК СЕГЕД (ЛИГА НА ШАМПИОНИ)
18:00 КОШАЛИН – ЗАГЛЕБЈЕ ЛУБИН (ПОЛСКА)
20:30 СТАРТ ЕЛБЛАГ – КОБЕРЖИЦЕ (ПОЛСКА)
19:15 АРАУ – СЕНТ ГАЛЕН (ШВАЈЦАРИЈА)
20:00 БЕЗАНСОН – САМБР АВЕНУА (ФРАНЦИЈА)
